Þá erum við skötuhjúin loksins búin að ákveða okkur hvert við ætlum í sumar. Ég var farin að finna fyrir því að mig vantaði eitthverja gulrót fyrir sumarið, það er ömurlegt að fara beint úr prófi að vinna og vinna alveg þar til skólinn er byrjaður. Maður verður að fá frí, a.m.k. finnst mér það.
Marmaris á Tyrklandi. Ég vona að það verði málið. Markmiðið er svo sem bara að slappa sem mest af og massa eins mikið tan og maður getur fyrir veturinn svo að þetta legst bara mjög vel í mig. Brottför er áætluð 24. ágúst og heimkoma 7 september. Ég missi að vísu fyrstu vikurnar úr skólanum, en það verður bara að reddast.